Oila haqida maqollar, eng sara ma’noli maqollar to’plami

Oila haqida maqollar, oila haqida o’zbek maqollari, jahon maqollari, oila haqidagi eng sara chiroyli ma’noli maqollar to’plami.

Oila haqida maqollar, jahon maqollaridan eng sara namunalar

Qishloqdagi xabarlarni yoshi ulug‘dan so‘ra, begonaning oilasini — kichikdan.

Lezgin maqoli

Mehrsiz oila – ildizsiz daraxt.

Lak maqoli

Ayol oilaning uch ustuni, er — to‘rtinchisi.

Belorus maqoli

Ahil bo‘lmagan oilada yaxshilik bo‘lmaydi.

Chechen-ingush maqoli

Hamjihatlik oilani mustahkamlaydi, birgalikda ovqat doim shirin.

Abazin maqoli

Oilada bola hammadan katta.

Abazin maqoli

Oilada hamjihatlik bo‘lmasa, uni baxt tashlab ketar.

Qirg‘iz maqoli

Uzilgan bargni shoxga yopishtirib bo‘lmaydi, singan oynada yuzing aks etmaydi (ajralishgan oilalar haqida).

Yapon maqoli

Oilaviy janjallar faqirlikka olib keladi.

Yapon maqoli

Bola uchga kirganda unga butun oila gapirishni o‘rgatadi.

Vetnam maqoli

Mehmondo‘st oilada odam yig‘iladi, suvo‘tlariga boy daryoda — baliq.

Buryat maqoli

Qurigan daraxt — o‘rmon uchun ortiqcha, yomon qiz — oila uchun dardisar.

Buryat maqoli

Qarilar bilan oila mustahkam turadi.

Ozarbayjon maqoli

Har bir oilaning shkafida skelet bo‘ladi.

Ingliz maqoli

Baxtsizlik eng baxtiyor oilalarga tashrif buyuradi.

Ingliz maqoli

Oila haqida o’zbek maqollari, o’zbekona hikmatlar

Ahil oila — baxtli,
Noahil oila — vaqtli.

Oila ahil bo’lsa,
Omad o’z oyog’i bilan kelar.

Egachi-singil inoqligi —
Oilaning quvnoqligi.

Suvsiz hayot bo’lmas,
Vafosiz — oila.

Inoq oilada beshik bo’shamas.

Oila tinch — yurt tinch.

Oila — qo’sh ustunli ayvon.

Oila haqida sara ma’noli statuslar

Oilaviy tarbiya ota-onalar uchun avvalo o‘z-o‘zini tarbiyalash demakdir.

N. K. KRUPSKAYa

Oilaviy hayotda ro‘y berib turadigan mayda-chuyda kemtiklarni faqat kuchli muhabbatgina tekislab ketishi mumkin.

T. DRAYZER

Agar faqat o‘zim bo‘lay desang, yaxshisi oila qurma. Baxtli muhabbatning asl mazmuni o‘zini bag‘ishlovdir. O‘zini o‘ylagan kimsa hech narsa hadya etolmaydi, faqat o‘ziga olishni biladi va shu tariqa muhabbat deb atalgan tuyg‘uning barcha fazilatlarini zaharlaydi. Shaxsiyatparastlik bu o‘rinda xuddi jismoniy illatdek xalaqit beradi.

V. A. SUXOMLINSKIY

Oila farzandlardan boshlanadi.

A. I. GERSEN

Oila tabiatning shoh asarlaridan biridir.

J. SANTAYaNA

Haqiqiy sof vijdonli kishi o‘zidan — oilani, oiladan — vatanni, vatandan — insoniyatni ustun qo‘ymog‘i kerak.

J. DALAMBER

Oilada sevgi qancha kuchli bo‘lsa, sog‘lom bola tug‘ilish ehtimoli shuncha ko‘p.

Rasul Hamzatov

Oila haqidagi barcha qiziqarli sara statuslarni saytimizning Oila haqida statuslar sahifasida kuzatishingiz mumkin.

O‘xshash maqolalar: Ajrashish haqida eng ta’sirli o‘zbek va jahon maqollari Ro‘zg‘or haqida eng kerakli o‘zbek va jahon maqollari Sevgi, muhabbat, qizlar, yigitlar, yurak haqida maqollar Tana a’zolari haqida sermazmun o‘zbek va jahon maqollari Psixologlar haqida haqqoniy o‘zbek va jahon maqollari Boks haqida eng kuchli ibratli o‘zbek va jahon maqollari