Ota – oilaning tayanchi, hayotning sabr-matonat va mehr manbai. Har bir xalqda ota mehrini, uning fidoyiligini va kuchini ulug‘lovchi hikmatli maqollar mavjud.
O‘zbek va jahon xalqlarining maqollarida ota qadrining ulug‘ligi, hayotdagi o‘rni chuqur ifodalangan. Quyida ota haqida eng yaxshi va ma’noli maqollar to‘plamini taqdim etamiz. Bu maqollar ota mehrining naqadar beqiyos ekanligini yana bir bor yodga soladi.
Eslatib o’taman, ota-ona haqidagi jamlangan maqollar saytimizning mana bu sahifasida to’liq berildi.
Ota haqida eng yaxshi o’zbek xalq maqollari jamlanmasi
O‘zbek xalq ijodiyotida ota har doim kuch-quvvat, sabr va donishmandlik ramzi sifatida ulug‘langan. Ota mehrining qadr-qimmati o‘zbek xalq maqollarida chuqur aks etgan. Xalqimiz ota obrazida oilaning mustahkamligi va farovonligi, kelajak avlodning tarbiyasi yotganini ta’kidlaydi. Quyida ota haqida eng yaxshi o‘zbek xalq maqollari bilan tanishing:
Otang to‘ng‘iz bo‘lsa, boylab boq.
🔽
O‘zbek xalq maqoli
Yo yering serob bo‘lsin, Yo otang mirob bo‘lsin.
🔽
O‘zbek xalq maqoli
Otasi urmagan qo‘ng‘izni, Bolasi urar to‘ng‘izni.
🔽
O‘zbek xalq maqoli
Alp — otadan, zot — onadan.
🔽
O‘zbek xalq maqoli
Botirdan «botir» chiqsa, otasi bilan olishar.
🔽
O‘zbek xalq maqoli
Otaga — mol, qizga — jamol.
🔽
O‘zbek xalq maqoli
Ich siringni otangga ham aytma.
🔽
O‘zbek xalq maqoli
Ota dushmani do‘st bo’lmas.
🔽
O‘zbek xalq maqoli
Otang qozi bo‘lsa ham, gunohkor bo‘lma.
🔽
O‘zbek xalq maqoli
Toy ot bo‘lganini sezmas, Yigit ota bo‘lganini sezmas.
🔽
O‘zbek xalq maqoli
Kurash bilmagan otasini yiqitar.
🔽
O‘zbek xalq maqoli
Otali o‘g‘il — xo‘jali qul.
🔽
O‘zbek xalq maqoli
Otasiz o‘g‘ilning og‘zi katta.
🔽
O‘zbek xalq maqoli
Yetimning otasi — yetti.
🔽
O‘zbek xalq maqoli
Yetimning otasi ko‘p, Joniga foydasi yo‘q.
🔽
O‘zbek xalq maqoli
Kurash bilmagan otasini yiqitar.
🔽
O‘zbek xalq maqoli
Och otasini bilmas, to‘q to‘g‘ralgan etni yemas.
🔽
O‘zbek xalq maqoli
Achchig‘lansa otasi yengar, Hazillashsa — bolasi.
🔽
O‘zbek xalq maqoli
Birni bersang otangga, Mingni olasan bolangdan.
🔽
O‘zbek xalq maqoli
Bola o‘nga kirsa, otasi songa kirar.
🔽
O‘zbek xalq maqoli
Yelka yag‘ri — otaga meros, Ota yag‘ri — o‘g‘ilga meros.
🔽
O‘zbek xalq maqoli
Ota bezori — xudo bezori.
🔽
O‘zbek xalq maqoli
Ota bola uchun taxt yasar, Baxt yasata olmas.
🔽
O‘zbek xalq maqoli
Otangga qilganingni bolangdan ko‘rarsan.
🔽
O‘zbek xalq maqoli
Yaxshi o‘g‘il otadan olti botmon ziyod bo‘lar, Yomon o‘g‘il otadan olti botmon kam bo‘lar.
🔽
O‘zbek xalq maqoli
O‘g‘il otasi mard bo‘lsa, Qiz otasi — bechora.
🔽
O‘zbek xalq maqoli
O‘g‘il otasiga o‘xshamasa, qoni harom.
🔽
O‘zbek xalq maqoli
Ota moli — bolaga uyutqi.
🔽
O‘zbek xalq maqoli
Oxirini otangga berma.
🔽
O‘zbek xalq maqoli
Ota o‘lib bola qolsa — murodiga yetgani, Bola o‘lib ota qolsa — armoni ichda ketgani.
🔽
O‘zbek xalq maqoli
Otam deb, erni tashlama, So‘ng boshingni qashlama.
🔽
O‘zbek xalq maqoli
Otamning o‘larini bilsam, Chaksa kepakka sotib yer edim.
🔽
O‘zbek xalq maqoli
Kurashda otangni ayama.
🔽
O‘zbek xalq maqoli
Dangasaga ish buyursang, Otangdan ortiq nasihat qilar.
🔽
O‘zbek xalq maqoli
Ota boyligi yeiga singar, Mehnat boyligi — elga.
🔽
O‘zbek xalq maqoli
Erinchoq, Erinchoqqa otasining soqoli o‘yinchoq.
🔽
O‘zbek xalq maqoli
Bola — xizmatda, ota — izzatda.
🔽
O‘zbek xalq maqoli
Otangni ko‘rsang, otdan tush.
🔽
O‘zbek xalq maqoli
Otasi siylamaganni bolasi siylamas.
🔽
O‘zbek xalq maqoli
Och otasini tanimas.
🔽
O‘zbek xalq maqoli
Ustoz mehri — ota mehri.
🔽
O‘zbek xalq maqoli
Otang temirchi bo‘lsa ham, gapni cho‘zma.
🔽
O‘zbek xalq maqoli
Bosh bo‘lmagan uyda, Otasi turib o‘g‘li so‘zlar.
🔽
O‘zbek xalq maqoli
Ota bo‘lish oson, odob berish qiyin.
🔽
O‘zbek xalq maqoli
Ota oldida kek urma, Odobingga chek urma.
🔽
O‘zbek xalq maqoli
Ota oldidan o‘tma, Odob oldidan ketma.
🔽
O‘zbek xalq maqoli
Otang bolasi bo‘lma, Odam bolasi bo‘l.
🔽
O‘zbek xalq maqoli
Otang ta’zirini olmay desang, Odam ta’sirini ol.
🔽
O‘zbek xalq maqoli
Payg‘ambar qizi bo‘lma, Otang qizi bo‘l.
🔽
O‘zbek xalq maqoli
Otang ishga buyursa, Namozingni buzib ayt.
🔽
O‘zbek xalq maqoli
Yaxshi bola — otaga quvvat, Yomon bola — uqubat.
🔽
O‘zbek xalq maqoli
O‘g‘irlik osh badanga yuqmas, Yomon bola ota-onaga boqmas.
🔽
O‘zbek xalq maqoli
O‘zim hisoblasam, qulunli biya, Otam bilan hisoblasam, bo‘tali biya.
🔽
O‘zbek xalq maqoli
Ota bilan orsiz talashar.
🔽
O‘zbek xalq maqoli
Bog‘da bitgan gilosim, Otamdan qolgan merosim.
🔽
O‘zbek xalq maqoli
Yetim bo‘lmay, ota qadrini bilmas.
🔽
O‘zbek xalq maqoli
Men — aziz, otam — mendan aziz.
🔽
O‘zbek xalq maqoli
Ota-bola — bir bog‘, Biri — gul, biri — bog‘bon.
🔽
O‘zbek xalq maqoli
Ota — xazina, aka-uka — tayanch, Do‘st esa — har ikkovi.
🔽
O‘zbek xalq maqoli
Otadoshim, otga min, Otasi boshqa, otdan tush.
🔽
O‘zbek xalq maqoli
Otangni sog‘insang, tog‘angni ko‘r.
🔽
O‘zbek xalq maqoli
O‘gay ota o‘kirar, Yuragidan bo‘kirar.
🔽
O‘zbek xalq maqoli
Har kim har nima deydi, Qiz otasi bir nima deydi.
🔽
O‘zbek xalq maqoli
Otang bilan maqtanma, Oting bilan maqtan.
🔽
O‘zbek xalq maqoli
Otang erdir, Sen ham erdek qiliq qil.
🔽
O‘zbek xalq maqoli
Ota ko‘rganni bola ko‘rmas, Bola ko‘rganni ota ko‘rmas.
🔽
O‘zbek xalq maqoli
Otang — qui, enang — qui.
🔽
O‘zbek xalq maqoli
Otangga ne qilsang, Oldingga shu kelar.
🔽
O‘zbek xalq maqoli
Yig‘lagisi kelgan bola, Otasining soqolini o‘ynar.
🔽
O‘zbek xalq maqoli
Ot olsang, otasini surishtir.
🔽
O‘zbek xalq maqoli
Qayrag‘och qattiq boisa, yorib bo‘lmas, Qiz otasi qattiq bo‘lsa, borib bo‘lmas.
🔽
O‘zbek xalq maqoli
Otang mirob bo‘lsa ham, Ariqni tozalab suv ich.
🔽
O‘zbek xalq maqoli
Bola ko‘rganini qilar, Ota — bilganini.
🔽
O‘zbek xalq maqoli
Ota g‘ayrath bo‘lsa, Bola ibratli bo‘lar.
🔽
O‘zbek xalq maqoli
Qo‘zi qo‘chqordan nishon, O‘g‘il — otadan.
🔽
O‘zbek xalq maqoli
Dalaning ko‘kiga ishonguncha, Otangning go‘riga ishon.
🔽
O‘zbek xalq maqoli
Soqoling chiqmay pul topsang, Otang berganday bo‘lar.
🔽
O‘zbek xalq maqoli
Ota mulki bo‘lsa ham, ayab ye.
🔽
O‘zbek xalq maqoli
Choyning oxirini otangga ham berma.
🔽
O‘zbek xalq maqoli
Yaxshi o‘g‘il biylar ota molini, Yomon o‘g‘il sochar ota molini.
🔽
O‘zbek xalq maqoli
Bel ushlashganda, otangni ayama.
🔽
O‘zbek xalq maqoli
Gap kelganda otangni ayama.
🔽
O‘zbek xalq maqoli
Qofiyasi kelganda, otangni ayama.
🔽
O‘zbek xalq maqoli
Yomg‘ir yog‘sa, to‘ning ho‘l bo‘lar, Otang o‘lsa, uying cho‘l bo‘lar.
🔽
O‘zbek xalq maqoli
Oldirgan otasining qo‘ynini axtarar.
🔽
O‘zbek xalq maqoli
Ot o‘rnini toy bosar, Ota o‘rnini — o‘g‘il.
🔽
O‘zbek xalq maqoli
Otasi qulon otolmaganning Bolasi quyon otolmas.
🔽
O‘zbek xalq maqoli
Otangni o‘ldirganga yaxshilik qil.
🔽
O‘zbek xalq maqoli
Oltmishga kirgan otadan osh so‘rama.
🔽
O‘zbek xalq maqoli
Ota haqida jahon xalq maqollari durdonalari
Ota – bu butun dunyo xalqlari uchun kuch, sabr, va donishmandlik timsolidir. Turli madaniyatlar otaning oiladagi o‘rni va ahamiyatini ulug‘lab kelgan. Har bir xalq otaning farovonlik, mehnat va oilaga bo‘lgan fidoyiligini maqollar orqali ifoda etadi. Quyida ota haqida turli xalqlarning eng chuqur va hikmatli maqollari bilan tanishing:
Agar otang ilonga aylanib qolsa ham uni qo‘lingda asrab avayla.
🔽
Bambara maqoli
Otangni hurmat qilsang, o‘g‘lingni ham sev, xo‘jayinni hurmat qilsang, uning itini ham boq.
🔽
Qirg‘iz maqoli
Bir otadan tug‘ilgan farzandlar har xil.
🔽
Qirg‘iz maqoli
Otang hayot bo‘lganda odamlar bilan tanish, oting yoshligida uzoqlarga choptir.
🔽
Qalmoq maqoli
Otalar tabiat yaratgan bankirlardir.
🔽
Frantsuz maqoli
Ota qadrini ota bo‘lganingdan so‘ng bilasan.
🔽
Fors maqoli
Otangga qanday g‘amxo‘rlik qilsang, bolang ham senga shunday g‘amxo‘rlik qiladi.
🔽
Uyg‘ur maqoli
Ota bo‘lmagan, ota qadriga yetmas.
🔽
Turkman maqoli
Ota ko‘rmaganini bola ko‘radi.
🔽
Tuva maqoli
Otangga nima qilsang, ertaga bolang ham senga shuni qaytaradi.
🔽
Osetin maqoli
Asal aroqdan afzal, otaning yeri oltin-kumushli yerdan afzal.
🔽
Oltoy maqoli
Otasi maqtaganni olma, qo‘shnisi maqtagandan qolma.
🔽
No‘g‘ay maqoli
Bir ota o‘n bolani boqadi, o‘n bola bir otani boqolmaydi.
🔽
Nemis maqoli
Otaga qarab bola.
🔽
Mordva maqoli
Yomon bolaga otaning so‘zi ham bir chaqa.
🔽
Mordva maqoli
Boshingga dard tushsa, cho‘chqani ham “otam” deb yuborasan.
🔽
Lezgin maqoli
Otasi yaxshi bo‘lgani bilan bolasi ham yaxshi bo‘lib qolmaydi.
🔽
Lezgin maqoli
Ota o‘g‘liga uzumzorni hadya qildi, o‘g‘il otaga bir shingil ham bermadi.
🔽
Gruzin maqoli
O‘g‘il otasini raqsga o‘rgatdi.
🔽
Gruzin maqoli
Bir ko‘r qariyaning ham bolalari otalariga savat to‘qishni boshlashibdi.
🔽
Gruzin maqoli
Otaning la’natidan qo‘rq.
🔽
Arman maqoli
Yaxshi farzand ota uyini quradi.
🔽
Arman maqoli
Xachirdan so‘radilar: “Sening otang kim?” U javob berdi: “Ot — mening tog‘am”.
🔽
Arab maqoli
Iloji bo‘lganda otaning terisini ham olib qolishardi.
🔽
Chechen-ingush maqoli
Ota yegani bilan bolasi semirmaydi.
🔽
Chechen-ingush maqoli
Yaxshi farzand ota qalbini quvnatadi.
🔽
Chechen-ingush maqoli
Otasi urushqoq bo‘lsa, bolasi ham to‘polonchi bo‘ladi.
🔽
Abazin maqoli
Ota va bola bir bo‘lsa, yer oltinga aylanadi, aka-ukalar birlashsa, tog‘ni marvaridga aylantiradi.
🔽
Xitoy maqoli
Otaning xayoli bolada, bolaning xayoli ko‘chada.
🔽
Qirg‘iz maqoli
Bir otadan bo‘lgan farzandlar fe’li har xil.
🔽
Hind maqoli
Yaxshi xislatlar — o‘zidan, yomon odatlar otasidan yuqqanmish.
🔽
Koreys maqoli
Ota qanday bo‘lsa bola ham shunda bo‘ladi.
🔽
Yapon maqoli
Pul ishida hatto ota va bolalar ham — begona.
🔽
Yapon maqoli
O‘g‘il otaga taqlid qiladi, qiz — onaga.
🔽
Yapon maqoli
Otangni urgan tayog‘ing kun kelib o‘g‘lingga kerak bo‘lib qoladi.
🔽
Digor maqoli
Ota zirk yesa bolalarning tishi qamashadi.
🔽
Avar maqoli
Kichik leopard otasining dog‘idan cho‘chimaydi.
🔽
Kongo maqoli
Otasi arslon bo‘lsa, bolasi sher bo‘ladi.
🔽
Vetnam maqoli
O‘zi geomant bo‘lib ishlaydi-yu, otasining qabrini bilmaydi (geomant — qabristonda yer taqsimlovchi).
🔽
Vetnam maqoli
Baxt boy otadan afzal.
🔽
Vetnam maqoli
Bolalar uchun ota hammadan kuchli.
🔽
Ozarbayjon maqoli
Ota-onalar bolalarda davom etadi.
🔽
Ozarbayjon maqoli
Bolalar bir otadan, lekin fe’li ko‘pchilikdan.
🔽
Qadimgi Hind maqoli
Ota urushqoq bo‘lsa, bolasi ham jangari bo‘ladi.
🔽
Abxaz maqoli
Ota haqida eng sara ma’noli statuslar va ibratli fikrlar
Ota – oilaning tayanchi, bolalar uchun sabr, mehnat va fidoyilik timsolidir. Otaning oilaga bo‘lgan mehr-muhabbati va sabr-bardoshi haqida ko‘plab hikmatli so‘zlar va ibratli fikrlar yaratilgan. Quyida ota haqida eng sara ma’noli statuslar va ibratli fikrlar bilan tanishing, ular otaning oiladagi ulug‘vor o‘rnini yana bir bor eslatadi.
Ota qadrdonlarini ziyorat qilish – otaning ziyoratiga teng
🔽
Mansurxon Toirov
Haqiqiy va to‘la insoniy grajdanlik hayoti bilan yashagan onagina bolalarni yaxshi tarbiyalaydi, bu masalada ibrat ko‘rsatadi, mehru muhabbat, hayratu olqish oladi, odamlarda o‘ziga taqlid qilish istagini uyg‘otadi. O‘z burchini bolalarga xizmat qilish bilan chegaralab qo‘ygan ayol esa tarbiyachi ona emas, o‘z bolalarining qulidir.
🔽
A. S. MAKARENKO
Ota bo‘lish otalik qilishdan ancha yengil.
🔽
V. O. KLYuChEVSKIY
Maktablar ko‘pligiga qaramay, yaxshi otalarsiz yaxshi tarbiya bo‘lmaydi.
🔽
N. M. KARAMZIN
Ota bolalarni bino qilish, ularni yedirib-ichirish bilan o‘z zimmasidagi vazifaning uchdan birinigina bajargan bo‘ladi. U bolalarini odamzod qatoriga qo‘shmog‘i, jamiyatga esa — faol kishilarni, davlatga — grajdaninni yetishtirib bermog‘i kerak. Shu uchala qarzini uzishi mumkin bo‘lgani holda bu ishni bajarmagan har qanday kishi aybdordir, bordi-yu, bu qarzning yarminigina uzsa, yana battarroq aybdor bo‘ladi. Kimki zimmasidagi otalik burchini bajarmasa, u ota bo‘lish huquqidan mahrumdir.
🔽
J. J. RUSSO
Ota haqidagi shu va boshqa eng yaxshi statuslar to’plami saytimizning mana bu sahifasiga joylashtirilgan.
