Inson haqida eng sara o’zbek va jahon maqollari to’plami

Insoniyat asrlar davomida hayot, ezgulik va insonning dunyodagi o‘rni haqida chuqur mulohaza yuritib kelgan. Ushbu fikrlar xalq maqollarida, donishmandlar so‘zlarida mujassam topgan.

Insonning fe’l-atvori, xulqi, va hayotga bo‘lgan qarashlari har bir xalqning madaniyatida alohida o‘rin egallaydi. O‘zbek va jahon xalqlarining hikmatli maqollari bu haqiqatni yanada yorqin ifoda etadi.
Bu maqolada, siz inson haqida eng chuqur va ibratli o‘zbek va jahon maqollarini topishingiz mumkin. Ular hayotga bo‘lgan qarashlaringizni boyitadi va sizni chuqur o‘yga solishi aniq.

Inson haqida eng sara o’zbek xalq maqollari

O‘zbek xalqining donishmandligi asrlar davomida xalq maqollarida o‘z aksini topgan. Insonning qadr-qimmati, xulqi va fe’l-atvori haqidagi maqollar hayot falsafasining yuksak namunalaridir. Bu maqollar insoniyatning ezgu fazilatlarini ulug‘lab, har bir kishini yaxshilikka va to‘g‘ri yo‘lga da’vat etadi.

Aql toshi — inson boshi.

🔽
O‘zbek xalq maqoli

Inson — aqli bilan, Dono — naqli bilan.

🔽
O‘zbek xalq maqoli

Inson aqli — olmos.

🔽
O‘zbek xalq maqoli

Inson qo‘li — gul.

🔽
O‘zbek xalq maqoli

Inson beorzu bo‘lmas.

🔽
O‘zbek xalq maqoli

Ish — insonning gavhari.

🔽
O‘zbek xalq maqoli

Suv o‘jar, inson undan ham o‘jar.

🔽
O‘zbek xalq maqoli

Gul — hayot bezagi, Sevgi — inson bezagi.

🔽
O‘zbek xalq maqoli

Inson bo‘lsang vafo qil, Vafosizlik — xato, bil.

🔽
O‘zbek xalq maqoli

Inson sevgi bilan tirik.

🔽
O‘zbek xalq maqoli

Inson — odobi bilan, Osmon — oftobi bilan.

🔽
O‘zbek xalq maqoli

Shoh-gadoning farqi yo‘q, Inson — ulug‘, narxi yo‘q.

🔽
O‘zbek xalq maqoli

Inson qilolmaydigan ish yo‘q.

🔽
O‘zbek xalq maqoli

Insonning joni — toshdan qattiq, Ko‘ngli — guldan nozik.

🔽
O‘zbek xalq maqoli

Inson qalbi quyoshdan yorug‘.

🔽
O‘zbek xalq maqoli

Inson umri — daryo suvi.

🔽
O‘zbek xalq maqoli

Vatansiz inson — kuysiz bulbul.

🔽
O‘zbek xalq maqoli

Anjom — uy ziynati, So‘z — inson ziynati.

🔽
O‘zbek xalq maqoli

Inson — gavhari Qobul.

🔽
O‘zbek xalq maqoli

Inson haqida jahon xalq maqollari to’plami

Har bir xalqning o‘z madaniyati va urf-odatlarida insonning qadr-qimmati va fe’l-atvori haqida chuqur ma’noli hikmatlar mujassam topilgan. Jahon xalqlari maqollarida insonning jamiyatdagi o‘rni, uning xulq-atvori va hayotga munosabati haqida ibratli so‘zlar ifodalangan. Ushbu maqollar orqali turli xalqlarning insoniyatga bo‘lgan qarashlarini anglash va ularning hayotiy tajribalaridan o‘rganish mumkin.

Inson o‘ladi, yaxshi nomi qoladi.

🔽
Bambara maqoli

Insonning dumi bo‘lmasa, uni qayeridan tutish mumkin? — Og‘zidan chiqqan so‘zdan.

🔽
Bambara maqoli

Devorni nam, insonni g‘am yiqitar.

🔽
Makedon maqoli

Insonga o‘z bolasidan ko‘ra totli hamda achchiq ne’mat yo‘q.

🔽
Makedon maqoli

Tog‘ tog‘ bilan qovushmas, inson inson bilan qovushar.

🔽
Makedon maqoli

Quyosh botish uchun chiqadi, inson o‘lish uchun tug‘iladi.

🔽
Qirg‘iz maqoli

Tanish joyda insonni, notanish joyda kiyimini hurmat qiladilar.

🔽
Qirg‘iz maqoli

Hamma insonlar har xil.

🔽
Shved maqoli

Omad kuchli insonlargagina hamroh bo‘ladi.

🔽
Shved maqoli

Xatosiz inson bo‘lmaydi.

🔽
Shved maqoli

Inson o‘zi xohlaganini eshitadi.

🔽
Shved maqoli

Insonning qandayligi uning qilig‘idan bilinadi.

🔽
Frantsuz maqoli

Inson ikki marta o‘lmaydi.

🔽
Fors maqoli

Inson o‘z so‘zlari ortiga yashirinadi.

🔽
Fors maqoli

Qo‘li go‘ngda bo‘lgan insonning og‘zi doim moyda.

🔽
Fin maqoli

Tog‘u toshni shamol yemiradi, insonlar orasini — tuhmat.

🔽
Turkman maqoli

Inson qo‘lidan kelmaydigan ish yo‘q.

🔽
Turkman maqoli

Inson o‘ladi, jasorati qoladi.

🔽
Tuva maqoli

Aql inson boshining tojidir.

🔽
Tojik maqoli

Faqatgina idrok insonni bezay oladi.

🔽
Tibet maqoli

Baxt va iztirob ko‘rmagan inson qayg‘u va xursandlikni bilmaydi.

🔽
Tibet maqoli

Birinchi qadamdanoq afsus chekkan inson tog‘ tugul qirni ham zabt etolmaydi.

🔽
Tibet maqoli

Insonning la’nati Tangrining la’natidan yomon.

🔽
Osetin maqoli

Quyosh va yer insonni boqadi.

🔽
Osetin maqoli

Po‘lat olovda toblanadi, inson — kurash va qiyinchilikda.

🔽
Osetin maqoli

Inson mehnat uchun yaralgan.

🔽
Osetin maqoli

Ot otni kishnashidan biladi, inson so‘z bilan yaqinlashadi.

🔽
Oltoy maqoli

Inson — o‘z baxtining me’mori.

🔽
Nemis maqoli

O‘g‘rilik, xiyonat va baliq ovi insonni yo‘ldan ozdiradi.

🔽
Nepal maqoli

Dunyoda kim eng aziz? Inson, inson, inson.

🔽
Maori maqoli

Inson o‘z baxtini o‘zi belgilaydi.

🔽
Maori maqoli

Buyuklik va sharaf — xudoga, tinchlik va yaxshiliklar — insoniyatga.

🔽
Maori maqoli

Insonning nasabi emas, qilayotgan ishi muhim.

🔽
Keniya maqoli

Do‘st — sening qalb qo‘shig‘ingni yoddan biladigan, kuylaganda sen xato qilsang, u to‘g‘rilab qo‘yadigan insondir.

🔽
Keniya maqoli

Beshik yasalgan insonga tobut ham yasaladi.

🔽
Kabardin maqoli

Pichoq ham, bolta ham inson tilidan ko‘ra o‘tkir emas.

🔽
Indonez maqoli

G‘ozga o‘z g‘ozchasi aziz, insonga o‘z farzandi aziz.

🔽
Dog‘iston maqoli

Temir olovda toblanadi, inson — muhtojlikda.

🔽
Gruzin maqoli

Hatto bazm ham insonni zeriktiradi.

🔽
Gruzin maqoli

Inson uchun eng qiyin narsa — o‘zini bilish.

🔽
Gruzin maqoli

Inson o‘ziga qilgan yomonlikni yetti shayton birlashib ham qilolmaydi.

🔽
Gruzin maqoli

Buyuk insonlarning ortida buyuk onalar turadi.

🔽
Brazil maqoli

Pul insonga baxt va’da qilmaydi.

🔽
Brazil maqoli

Oliyhimmat inson uchun butun dunyo qarindosh.

🔽
Bengal maqoli

Qiltanoqsiz baliq bo‘lmaganidek, jahlsiz inson bo‘lmaydi.

🔽
Belorus maqoli

Yigit urushda, do‘st dardda, komil inson g‘azabi kelganda ma’lum bo‘ladi.

🔽
Arab maqoli

Garchi u ayiqqa o‘xshasa ham sen sevaveradigan inson — haqiqiy do‘st.

🔽
Arab maqoli

Agar inson o‘z fikr va hislarini tili bilan ifoda eta olmaganida edi, uning gung hayvon va devordagi suratdan farqi qolmasdi.

🔽
Arab maqoli

Insonning omonligi tilining shirinligida.

🔽
Arab maqoli

Ba’zida bir onadan tug‘ilmagan boshqa bir inson senga akalik qiladi.

🔽
Arab maqoli

Insonning buyukligi uning hurligida.

🔽
Arab maqoli

Kamtarlik — inson toji.

🔽
Arab maqoli

Insonning iymoni uning qasamidan bilinadi.

🔽
Arab maqoli

Sinovlar payti inson yo hurmat, yo nafratga sazovor bo‘ladi.

🔽
Arab maqoli

Agar do‘stlik bo‘lmaganida insonlar qirilib ketardi.

🔽
Arab maqoli

Xudodan qo‘rqadigan inson bilan maslahat qiling.

🔽
Arab maqoli

O‘zga yurtda inson uchun eng qimmatli narsa — Vatan.

🔽
Arab maqoli

Insonni bilmoqchi bo‘lsang, uning do‘stlariga boq.

🔽
Chechen-ingush maqoli

Yer insonni boqqaniday ona bolani boqadi.

🔽
Chechen-ingush maqoli

Insonning qandayligi yo‘lda va o‘yinda bilinadi.

🔽
Italyan maqoli

Muvaffaqiyatsizlik insonga ko‘p narsalarni o‘rgatadi.

🔽
Xitoy maqoli

Insonning xohishlari osmondan yuqori: imperator bo‘lganidan keyin abadiy yashashni orzu qiladi.

🔽
Xitoy maqoli

Tog‘ va daryoni o‘zgartirish oson, inson fe’lini o‘nglash qiyin.

🔽
Xitoy maqoli

Yomg‘ir yil bo‘yi yog‘maydi, inson umr bo‘yi kambag‘al bo‘lmaydi.

🔽
Xitoy maqoli

Inson hayotining oxiri bor, ilmniki — yo‘q.

🔽
Xitoy maqoli

Dunyoda hech kimga keraksiz inson yo‘q; yerda ildizi bo‘lmagan o‘simlik yo‘q.

🔽
Xitoy maqoli

Qalbi oq inson qora ishni qilmaydi.

🔽
Xitoy maqoli

Inson qalbini uning tashqi ko‘rinishi bilan aniqlab bo‘lmaydi, dengizdagi suvni dou bilan o‘lchab bo‘lmaydi (dou — hajm o‘lchovi, 10 l).

🔽
Xitoy maqoli

Ming — yuqori, o‘n ming — undan ham yuqori, inson qalbi — hammasidan yuqori.

🔽
Xitoy maqoli

Harakatsiz inson yaxshi bo‘lolmaydi, qo‘ng‘iroqqa urmasang ovoz chiqmaydi.

🔽
Xitoy maqoli

Yoqutga sayqal berilmasa — u mulk bo‘lmaydi, odam o‘qimasa — inson bo‘lmaydi.

🔽
Xitoy maqoli

Ozg‘in ho‘kizni boqsang og‘zing moyga to‘ladi, yomon insonni boqsang og‘zi-burning qon bo‘ladi.

🔽
Qirg‘iz maqoli

Inson qadri u o‘lganda bilinadi.

🔽
Hind maqoli

Inson faqatgina ibodatxonaga borgani bilan yaxshi bo‘lib qolmaydi.

🔽
Hind maqoli

Aqlli inson aqlsiz eng so‘ng qilgan ishni avval bajaradi.

🔽
Hind maqoli

Aqlli va fidokor insonlar bilan eshlik et — fazilat qozonasan.

🔽
Hind maqoli

Inson sharofati avf va ehson fazilati bilan ziyoda bo‘ladi.

🔽
Hind maqoli

Uy tamalidan yemiriladi, inson boshidan ayniydi.

🔽
Koreys maqoli

Va’dalar mamlakatida inson ochlikdan o‘ladi.

🔽
Daniya maqoli

Safsata va minnatdorlik hech qanday insonni boy qilmaydi.

🔽
Daniya maqoli

Dengiz chuqurligini o‘lchash mumkin, lekin inson ko‘nglining chegarasi yo‘q.

🔽
Tay maqoli

Inson o‘qib-o‘qib o‘rganadi.

🔽
Golland maqoli

Inson yetti yoshida qanday bo‘lsa, yetmishida ham shunday qoladi.

🔽
Golland maqoli

Birinchi rafiqani senga xudo, ikkinchisini insonlar, uchinchisini shayton jo‘natadi.

🔽
Yapon maqoli

Inson — fikr qiladigan hayvon.

🔽
Yapon maqoli

Inson umri qisqa, shon-shuhrat va boylik o‘tkinchi.

🔽
Yapon maqoli

Kiyim insonni bezaydi.

🔽
Yapon maqoli

Inson umri bir asr, ismi — abadiy.

🔽
Yapon maqoli

Aysh-ishrat insonni halok qiladi.

🔽
Yapon maqoli

Yillar va oylar insonni kutmaydi.

🔽
Yapon maqoli

Pul insonni begonalashtiradi.

🔽
Yapon maqoli

Inson yig‘layotgan bola va yer egasi oldida ojizdir.

🔽
Yapon maqoli

Insonni o‘lganidan so‘ng maqtaydilar.

🔽
Zulu maqoli

Kiyim insonni yaratmaydi.

🔽
Digor maqoli

Katta boylik insonni itga aylantiradi.

🔽
Darg‘in maqoli

Temir namdan, inson g‘amdan yemiriladi.

🔽
Gagauz maqoli

Inson qariydi, yurak qarimaydi.

🔽
Gagauz maqoli

Inson olasi ichida, hayvon olasi tashida.

🔽
Gagauz maqoli

Insonni go‘zalligi uchungina sevish nodonlikdir.

🔽
Kongo maqoli

Inson umri bir qarichdan ham uzun emas, kim ko‘p uxlasa yarim qarichini yo‘qotibdi.

🔽
Vetnam maqoli

It yotishdan oldin uch marta atrofni tekshirib chiqadi; inson gapirishdan avval o‘ttiz besh marta o‘ylashi lozim.

🔽
Vetnam maqoli

Qurigan daraxt suvda ham ko‘karmaydi, inson bir umr kambag‘alligicha qolmaydi.

🔽
Vetnam maqoli

Inson qalbini o‘lchashdan daryo, dengizni o‘lchash oson.

🔽
Vetnam maqoli

Qush uyasini unutmaydi, inson — ajdodlarini.

🔽
Vetnam maqoli

G‘azab insonni, tog‘ otni sinaydi.

🔽
Buryat maqoli

Inson mehnatdan yosharadi.

🔽
Buryat maqoli

Haq gap — sherdan kuchli, adolatli inson — oltindan qimmat.

🔽
Buryat maqoli

Dunyodagi eng tez narsalar uchta: inson fikri, otilgan o‘q va nigoh.

🔽
Buryat maqoli

Inson nimadan qo‘rqsa, o‘shandan o‘ladi.

🔽
Kuba maqoli

Insonning aqliga, daraxtning yoshiga qarab hurmatlaydilar.

🔽
Ozarbayjon maqoli

Aqlli insonlar vaqtini nazm va fan bilan, ahmoqlar g‘iybat, tush va janjal bilan o‘tkazadi.

🔽
Qadimgi Hind maqoli

Aqlli insonlar yo‘qotilgan, o‘lgan va o‘tgan narsalarga achinmaydilar.

🔽
Qadimgi Hind maqoli

Insonda qancha fazilat bo‘lsa, shuncha kamchilik ham bor.

🔽
Qadimgi Hind maqoli

Inson qadri o‘lgandan so‘ng bilinadi.

🔽
Qadimgi Hind maqoli

Urush uni bilmagan insonlarni o‘ziga chorlaydi.

🔽
Ingliz maqoli

Hech qachon insonning yuziga qarab baho berma.

🔽
Ingliz maqoli

Yog‘ochga tayanma, chirur, insonga quvonma, o‘lur.

🔽
Turk maqoli

Daraxtni qurt, insonni dard bitirar.

🔽
Turk maqoli

Inson haqida statuslar va hikmatli so’zlardan namunalar

Insonning hayotiy tajribalari va xulq-atvori haqida donishmandlar va mashhur shaxslar tomonidan aytilgan hikmatli so‘zlar va statuslar ko‘plab o‘quvchilar uchun ilhom manbai bo‘lib xizmat qiladi. Bu so‘zlar insonning ichki dunyosi, jamiyatdagi o‘rni va hayotga bo‘lgan munosabati haqidagi chuqur falsafiy fikrlarni ifodalaydi. Ular orqali biz insoniyatning umumiy tajribasidan o‘rganishimiz va o‘z hayotimizga tatbiq qilishimiz mumkin.

Bu olamda yo‘qotishlar ichidagi eng og‘ir yo‘qotish insonning o‘zligini yo‘qotishidir.

🔽
Erkin Vohidov

Inson zoti shunaqa: aqli yetgan narsada o‘zi bilur, aqli yetmagan narsada Xudo bilur.

🔽
Azimjon Qosimov

Insonni inson qilgan mehnat emas, muhabbatdir

🔽
Mansurxon Toirov

Inson o‘ladi, barhayot bo‘lib qolishning birdan bir imkoniyati o‘zidan keyin o‘lmaydigan nimadir qoldirishdir.

🔽
U. FOLKNER

Umr qisqa, lekin inson o‘z farzandlari timsolida qayta yashay boshlaydi.

🔽
A. FRANS

Inson — tabiatning yer yuzidagi oliy mahsulidir. Biroq tabiat yaratgan mo‘jizalardan bahra olmoq uchun inson sog‘lom, baquvvat hamda zukko bo‘lmog‘i zarur.

🔽
I. I. PAVLOV

Yolg‘onchi — inson deb atalishga loyiq emas.

🔽
F. FENELON

Insonning fazilati favqulodda jasoratlar bilan emas, balki uning kundalik ishlari bilan o‘lchanadi.

🔽
B. PASKAL

Inson o‘z ishlarining in’ikosidir.

🔽
F. ShILLER

Inson farishta ham, hayvon ham emas, uning baxtsizligi shundaki, u farishta bo‘lishga qancha ko‘p urinsa, shuncha ko‘p hayvonga aylana boradi.

🔽
B. PASKAL

Insonning haqiqiy kuchi uning shiddatida emas, balki sobit osoyishtaligidadir.

🔽
L. N. TOLSTOY

Inson xarakteri atrofidagi vaziyatga qarab o‘zgarib turadi.

🔽
G. PLEXANOV

Inson haqida shu va boshqa barcha statuslarni saytimizning Inson haqida statuslar sahifasida batafsil ko’rib chiqishingiz mumkin.