Baxt haqida statuslar, eng sara statuslar to’plami

Baxt haqida statuslar, aforizmlar, hikmatli so’zlar, mashhur gaplar va iboralar, baxt haqida eng sara chiroyli ma’noli statuslar to’plami.

Baxt haqida eng yaxshi statuslar

1. O‘qishda, mehnatda, fanda, xalqqa astoydil xizmat qilishda o‘z baxtingni topasan.

   – N. D. ZELINSKIY

2. Iste’mol qiling, lekin suistemolga aylanmasin — donolarning taomili shu. Ortiqcha tiyinish ham, oshirib yuborish ham baxt keltirmaydi.

   – F. VOLTER

3. Baxt, eng avvalo soglik demakdir.

   – G. KURTIS

🙏 Baxtli inson minnatdor bo‘ladi, hayotning har bir onidan zavq olish esa eng katta boylikdir! Minnatdorchilik haqida statuslar > sahifasini o‘tkazib yubormang.

4. Agar shuhratnarastlik kimnidir baxtga yetkazgan bo‘lsa, hoynahoy o‘sha odam tentak bo‘lsa kerak.

   – J. J. RUSSO

5. Shaxsiy baxtga erishish uchun ish bilan birga so‘zga e’tibor bering katta ahamiyatga ega.

   – N. V. ShELGUNOV

6. Biz baxt deb ataydigan narsaga ham, baxtsizlik deb ataydigan narsaga ham, ularning har ikkalasiga sinov deb qaraydigan bo‘lsak, biz uchun foydalidir.

   – L. N. TOLSTOY

7. Inson o‘z onasini ruhiy jihatdan ham o‘ziga qadrdon deb bilishi noyob baxtdir.

   – M. GORKIY

8. Jahonning butun g‘ururi onalardan. Quyoshsiz gullar ochilmaydi, sevgisiz baxt yo‘q, ayolsiz muhabbat yo‘q, onasiz shoir ham, qahramon ham bo‘lmaydi.

   – M. GORKIY

❤️ Haqiqiy baxt sevgi bilan to‘ldirilgan yurakda yashaydi, sevgi bor joyda quvonch va hayot bor! Sevgi haqida statuslar > sahifasini boshqalar qiziqish bilan o‘qimoqda.

Muhabbat baxt xazinasidir: qancha ko‘p taqdim etgan sari o‘zi ham shuncha boyib boradi

9. O‘z farzandlarini baxtli qilishga intiluvchi mehribon ona ko‘p hollarda o‘zining tor qarashlari, kaltabin mo‘ljallari, keraksiz g‘amxo‘rlik va mehribonliklari bilan ularning qo‘l-oyog‘ini bog‘lab qo‘yadi.

   – D. D. PISAREV

10. Muttahamni uydan quvish oila uchun katta baxtdir.

    – P. BOMARShE

11. Xalqning baxt-saodati bolalarni to‘g‘ri tarbiyalashga bog‘liq.

    – J. LOKK

12. Bolani baxtli qilaman deb, uni go‘daklikdan erkalatib taltaytirish aqldan emas.

    – V. GYuGO

💖 Baxt nafaqat yurakda, balki atrofimizdagi go‘zallikni his qilishda ham mujassamdir! Go‘zallik haqida statuslar > sahifasini o‘qib ko‘ring.

13. Baxti uchun sevikli kishisi oldida burchdorligini tan olmaslik kechirilmas mag‘rurlikdir.

    – G. LESSING

14. Bolalar baxtni daf’atan va beixtiyor hazm qilib olaveradilar, negaki, ularning o‘zi shodlik va baxtdan iboratdirlar.

    – V. GYuGO

15. Agar hayotimizning barcha maqsad-mazmuni shaxsiy baxti-mizdan iborat bo‘lganda, shaxsiy baxtimiz esa birgina muhabbatda o‘z ifodasini topganda edi, unda hayot deganlari chindan ham zudmat sahro bo‘lib qolar edi… Ammo abadiy tafakkurga, ma’rifatchilik kasbiga shonu sharaflar! Inson uchun yurakning ma’naviy olamidan tashqari hayotning yana boshqa buyuk olami ham — tarixan mulohaza-mushohada yuritish va ijtimoiy faollik olami ham bor.

    – V. G. BELINSKIY

16. Sevmoq — boshqa bir odamning baxtida o‘z baxtingni topmog‘ingdir.

    – G. LEYBNIS

😁 Baxt tabassumdan boshlanadi, tabassum esa qalblarni iliq qiladi va hayotga yorug‘lik olib keladi! Tabassum haqida statuslar > sahifasida eng qiziqarli fikrlar jamlangan.

Baxt xohlagan ishingni xohlagan paytingda qilaverishing emas, balki qilayotgan ishingni hamisha xohlab turishingdadir

17. Biz uchun ayol baxti xususidagi ma’naviy mas’uliyatni zimmaga olganimiz holda uning qalbiga hattoki bilmay turib ozor berib qo‘yishdan ham ortiqroq baxtsizlik bo‘lmaydi.

    – V. G. BELINSKIY

18. Bizning ishimiz — o‘qish va o‘qish, imkoni boricha ko‘proq bilimga ega bo‘lish uchun intilishdir, chunki jiddiy ijtimoiy yo‘nalishlar — bilim bor yerda, insoniyatning istiqbol baxti ham faqat bilimdadir.

    – A. P. ChEXOV

19. Hayotdagi maqsad inson qadr-qimmati va baxtning asosidir.

    – K. D. UShINSKIY

20. Odamzod baxti uchun hamma narsadan voz kechishga o‘rgatadigan ajib g‘oyalarni kishilarga singdirish buyuk san’atdir.

    – STENDAL

21. Mehnat baxt padaridir.

    – B. FRANKLIN

22. Kishini tang qoldiradigan gumrohliklardan biri — inson baxti uning hech narsa qilmasligida, deb tushunilishidadir.

    – L. N. TOLSTOY

23. Baxtning eng zarur sharti — mehnat: birinchidan, sevimli va ozod mehnatdir; ikkinchidan, ishtaha ochadigan va qattiq, tiniqtirib uxlatadigan jismoniy mehnatdir.

    – L. N. TOLSTOY

24. Baxt mehnatni takomillashtirib borishdadir.

    – Ya. RAYNIS

Baxtli kunlarni kutish ba’zan o‘sha kunlarning o‘zidan ancha yaxshiroq bo‘ladi

25. Agar siz ishni o‘rinli tanlay bilsangiz va unga o‘zingizni, butun qalbingizni baxsh etsangiz, baxtning o‘zi sizni qidirib topadi.

    – K. D. UShINSKIY

26. Har doim o‘z sevgan ishi bilan mashg‘ul bo‘lish insonning nodir baxtidir.

    – V. I. NEMIROVICh-DANChENKO

27. Har bir odamga muayyan bir faoliyat turi hamroh bo‘ladi, bu faoliyat uni jamiyat uchun foydali kishiga aylantiradi va ayni paytda unga baxt keltiradi.

    – M. BARRES

28. Burch va nomus yo‘lini hech vaqt tark etmang, bu bizni baxtga erishtiradigan yagona yo‘ldir.

    – J. BUFFON

29. Inson kim bo‘lishidan qat’iy nazar, mehnat qilishi, terga botib ishlashi kerak, uning yashashdan maqsadi, baxti va hayajonlari ham ayni shu mehnatda mujassamlashgan.

    – A. P. ChEXOV

30. Qayg‘u — bu yo‘qotilgan, ammo hali ancha rohatini surish mumkin bo‘lgan baxt haqida o‘ylash oqibatidagi ruhiy bezovtalikdir yoki hozirgi daqiqada cheki-layotgan alamdan iztirobga tushishdir.

    – G. LEYBNIS

31. Insonga baxt kerak, uning bunga haqqi bor, nechog‘li qiyin bo‘lmasin, inson baxtga erishishi darkor.

    – N. A. DOBROLYuBOV

32. Qush parvoz uchun, inson baxt uchun yaralgan.

    – V. G. KOROLENKO

Kishi o‘z baxtini boshqalarga keltirgan baxtiga qarab o‘lchaydi

33. Baxt bizga to‘la-to‘kis nasib bo‘luvchi yuksak darajadagi huzur-halovat, baxtsizlik esa yuksak darajadagi musibatdir.

    – J. LOKK

34. Faylasuflar emas, balki lo‘ttibozlargina inson o‘z istagicha yashasa baxtlidir, deya gap sotadilar: bu g‘irt yolgon. Jinoiy istaklar eng manfur badbaxtlikdir. Jinoiy istakdan ko‘ra istaganingga yeta olmasliging ancha durustdir.

    – SISERON

35. O‘z shaxsiy baxtini yaratishni istagan har bir kishi barcha ishchi va dehqonlar baxtining toblovchisi, bunyodkori bo‘lmog‘i kerak, qachonki u barchani baxtiyor qilsa, o‘z shaxsiy baxtini ham toblagan bo‘ladi.

    – M. I. KALININ

36. Hamma uchun baxt — hammaning ahil mehnati bilan yaratiladi.

    – G. IBSEN

37. Kishi boshqalarga qancha shodlik va baxt ulashsa, u faqat o‘shancha shodlik va baxtga da’vogar bo‘lishi mumkin.

    – E. FEYXTERSLEBEN

38. Ezgulik faqat insonga xos xususiyat, binobarin, birov-birovning baxti va rohati uchun xizmat qilsa, bu yana ham insoniy xususiyatdir.

    – TOMAS MOR

39. Eng yuksak shaxsiy baxt shaxsiy manfaatlardan ham ahamiyatliroq maqsadlar uchun kurashmoqlikdir.

    – V. A. SUXOMLINSKIY

40. Umum farovonligi yo‘lida xizmat qilish ishtiyoqi qalb ehtiyoji va shaxsiy baxt garovi bo‘lmog‘i lozim.

    – A. P. ChEXOV

Hayotda faqat birgina chinakam baxt bor, u ham bo‘lsa boshqalar uchun yashamoqlikdir

41. Boshqalarning baxtisiz shaxsiy baxt ham bo‘lmaydi.

    – N. G. ChERNIShEVSKIY

42. Boylik yaratmay turib undan foydalanishga haqqimiz bo‘lmaganidek, baxt keltirmay turib uni baham ko‘rishga ham haqimiz yo‘q.

    – B. ShOU

43. Shaxsiy farog‘at to‘g‘risida o‘ylash tabiiydir, buni e’tiborga olish kerak. Lekin el-yurt baxt-saodati va butun insoniyat jamiyati muhofazasidan ko‘z yumib, faqat shaxsiy farog‘at haqida o‘ylansa, hayot chirkinlashadi, maydalashadi, ochig‘ini aytganda — tuban bir holga tushadi.

    – R. ROLLAN

44. Baxtga — bu masalada har bir odamga alohida-alohida yondashish zarurligidan qat’iy nazar,— odamning eng zarur moddiy ehtiyojlarini qondirgandagina yetishish mumkin.

    – N. A. DOBROLYuBOV

45. Baxt saxovatli odamning qo‘lidan tayyor holda olinmaydi, u kurash orqali qo‘lga kiritiladi va shakllanadi.

    – D. I. PISAREV

46. Baxt havoda esmaydi, mehnatdan keladi.

    – RUDAKIY

47. Har bir kishi — o‘z baxt-saodatining ijodkori.

    – R. STIL

Baxt boshqalar bilan baham ko‘rilgandagina barqaror bo‘ladi

48. …Baxt sotilmas va kimki agar
    Ter to‘kishga bo‘lolsa molik,—
    Shunda tole bo‘lur jilvagar,
    Shurda shodlik qilur oshnolik.

    – MIRZA ShAFIY

49. Na bo‘ysunishga, na o‘zining nimaga qodirligini ko‘rsatish uchun buyruq berishga ehtiyoji yo‘q kishigina chinakam baxtiyor va ulug‘vordir.

    – I. GYoTE

50. Siz agar baxt orqasidan quvib qachondir unga yetishsangiz, ko‘zoynagini axtargan kampir singari, baxt doim burningiz ostida yurganini sezib qolasiz.

    – B. ShOU

51. Baxt har doim mard odam tomonida.

    – P. I. BAGRATION

52. Baxt sog‘liqqa o‘xshaydi: u bor bo‘lsa, payqamaysan.

    – I. S. TURGENEV

53. Bizning his etish qobiliyatimiz hududiga ham sig‘maydigan kuchli baxt va qayg‘ular bo‘ladi.

    – F. LAROShFUKO

54. Baxt yoki alamdan g‘ofil kishi dushman bilan duch kelmagan soldat singari dunyodan o‘tadi.

    – F. KLINGER

55. Baxt baxtsizlikni nafratlashdan, kishini tasqara qilib, uni buzadigan jamiki narsalarga fiziologik jirkanch bilan qarashdan, tarix bo‘roni tufayli yanada vayron bo‘layotgan soxta farovonlik xususida oh urgan, ingragan, noligan notavonlardan chinakamiga voz kechishdan boshlanadi.

    – M. GORKIY

56. Quvonch va umidga moyillik chinakam baxtdir; hadiksirash va ruhiy tushkunlikka berilish —haqiqiy baxtsizlik.

    – D. YuM

57. Baxt qushi boshga qo‘nganda undan foydalana bilmagan odam u qo‘lidan ketganda nolimasligi kerak.

    – M. SERVANTES

Tashvishsiz va g‘amsiz hayot -baxt emas, baxt — ko‘ngilning besaranjomligi

58. Hayotdagi qariyb hamma baxtsizliklar ishimizning yurishmayotgani xususidagi soxta tasavvurlarimizdan kelib chiqadi. Binobarin, odamlarni yaxshi bilish va voqealar haqida sog‘lom fikr yuritish bizni baxtga yetaklaydi.

    – STENDAL

59. Baxt besabr odamlarga ko‘p narsalarni pullab qoladi-yu, sabrlilarga ularni tekinga beradi.

    – F. BEKON

60. Bir qadar aziyat qo‘shilmagan sof baxt bo‘lmaydi.

    – V. ShEKSPIR

61. Illatsiz baxt bo‘lmaydi.

    – GORASIY

62. Bizning baxtimiz hech nar-ani orzu qilmaydigan holga tushib,butun istaklarning to‘la qondirilishidan iborat emas va bunday bo‘lmasligi kerak, chunki bu aqlimizning o‘tmaslashuviga olib kelgan bo‘lur edi. Yangi-yangi rohat-farog‘atlarga va yangidan-yangi mukammallik-arga beto‘xtov intilish — baxt shudir.

    – G. LEYBNIS

63. Istagan huzur-halovat hambaxt emas, u huzur-halovatlar halol va pok bo‘lmog‘i kerak.

    – TOMAS MOR

64. Baxt pushaymonsiz huzur qilish demakdir.

    – L. N. TOLSTOY

65. Baxtning zarur tarkibiy qismi — bu to‘g‘ri yashayotganingga, ortingda xudbinlik, qallob-lik, makkorlik, zararkunanda-lik va yana shunga o‘xshash boshqa bir razilliklar yo‘qligiga qat’iy ishonishingdir.

    – A. S. MAKARENKO

Odamning baxt haqida tasavvuri qanday bo‘lsa, o‘zi ham shunday

66. Inson uchun eng qadrli narsa nima? Hayot, chunki bizning barcha quvonchlarimiz, bizning butun baxtimiz, bizning jamiki umidlarimiz faqat hayot bilan bog‘liqdir.

    – N. G. ChERNIShEVSKIY

67. Faqat bashariyat baxti uchun qilingan mehnatgina chinakam va boqiy shuhrat keltirishi mumkin.

    – Ch. SEMNER

68. O‘zingdan keyingilarga avvalgidan ko‘proq bilim va baxt qoldirishga intil, bizga meros qolgan narsalarni takomillashtirish va ko‘paytirish, tinmay mehnat qilmog‘imiz zarur bo‘lgan soha mana shudir.

    – D. DIDRO

69. Kim sayqal berolsa xushbaxtdir o‘sha.

    – A. K. TOLSTOY

70. Go‘zallik — haqiqiy baxt-saodat va rasmana qahramonlik bo‘lib, u balandparvoz so‘zlarga muhtoj emas.

    – V. RAABE

71. Yerdan sug‘urib olinib, qumli sahroga tashlang‘an giyoh halok bo‘lganidek, shaxs baxti ham jamiyatdan tashqarida bo‘lmaydi.

    – A. N. TOLSTOY

72. Boshqa odamlardan o‘zini ayirgan odam o‘z baxtiga zomin bo‘ladi, chunki o‘zini qanchalik ayirsa, hayoti shunchalik yomonlashadi.

    – L. N. TOLSTOY

73. Boshqalarga yorqin nur bo‘lish, o‘zingga ham nur taratishing — inson erishishi mumkin bo‘lgan oliy baxt shudir. Shundagina inson azobdan ham, og‘riqdan ham, g‘amdan ham, muhtojlikdan ham qo‘rqmaydi. Shundagina u hayotni chinakamiga sevishni endigina o‘rgangan bo‘lishiga qaramay, o‘limdan ham qo‘rqmaydi.

    – F. E. DZERJINSKIY

74. Baxtimiz mukammal bo‘lishi uchun atrofimizdagi odamlarning xayrixohligi va yordamiga muhtojmiz, atrofimizdagi odamlar esa biz ularning baxti yo‘lida ter to‘kishga qay darajada tayyor tursak, ular ham shu darajada bizni sevish va hurmat qilish, rejalarimizda yordamlashish, bizning baxtimiz yo‘lida ter to‘kishga rozi bo‘ladilar, bu zaruriy aloqani ma’naviy burch, ma’naviy vazifa deb ataydilar.

    – P. GOLBAX

Erimaydigan muz bo‘lmagani kabi abadiy baxt ham yo‘q

75. Vatandan tashqarida baxt yo‘q, har kim jonajon yerida ildiz otsin.

    – I. S. TURGENEV

76. Kishi o‘zgalarning baxtidan baxt topsa, u haqiqiy yashagan hisoblanadi.

    – Iogann Gyote

77. Agar bizning hayotimiz hurriyat va xalq baxt-saodati uchun qurbonlik sifatida kerak bo‘lsa, biz o‘limni ham xursandchilik bilan kutib olamiz!

    – Mahmudxo‘ja Behbudiy

78. Inson goh-goh duch keladigan har bir muvaffaqiyatsizlikni baxtsizlik deb hisoblamasligi lozim. Kim biladi deysiz, balki haqiqiy baxt kichik muvaffaqiyatsizlikdan boshlanar?!

    – Chingiz Aytmatov

79. Baxt degani dillarning uyg‘unlashib ketishi degan so‘z.

    – Chingiz Aytmatov

80. Muhabbat baxt berishi kerak. Baxt yo‘qmi, demak, adashibsan.

    – Gyustav Flober

81. Bekorchi odam to‘kis baxtni his qila olmaydi, uning yuzida hamisha norozilik va hafsalasizlik alomatlarini ko‘rasiz.

    – Heynrix Heyne

82. Baxt o‘zini tiya oladigan odamlarga nasib etadi. Orzularing amalga oshishini istasang, ularni tiyib tura bil.

    – Rabindranat Tagor

Har qanday umrmas, balki yaxshi o‘tkazilgan umr — baxt-saodat hisoblanadi

83. Baxt ortidan quvib, uni topgan odam burni ustida turgan ko‘zoynagini qidirib, so‘ng topib sevingan kampirga o‘xshaydi.

    – Bernard Shou

84. Baxtni ishlab chiqarmay turib iste’mol qilishga haqqimiz yo‘q.

    – Bernard Shou

85. G‘azabga mingan har daqiqa­ngizda baxtning oltmish soniyasini boy berasiz.

    – Bernard Shou

86. Men amaldorlarning ko‘pini ko‘rdim, ammo ularning orasida baxtlilarini uchratmadim. Amal – polga qoqib qo‘yilgan kursi emas. Shuning uchun, amaldor doimo kursini kimdir siljitmasligidan ogoh bo‘lib, hamisha xavotirda ishlaydi.

    – Ayzek Azimov

87. Xudo insonni bir umr baxt izlash azobi bilan jazolagan.

    – Asqad Muxtor

88. Ovidiy “yolg‘izlik baxti”ni maqtagan. Buyuk shoir kechirsin, men uchun yolg‘izlikda ko‘rgan huzur-halovatning alami og‘ir.

    – Asqad Muxtor

89. Ayollar oyog‘i poyafzal do‘konida o‘zini ­baxtli his etadi.

    – Ramon Gomes de la Serna

90. Kimki baxt-iqbolli, solih kishilarning etagiga yopishsa, u albatta murodu maqsadiga erishib, xayru baraka topar.

    – Mahmud az-Zamahshariy

91. Baxt shunday narsaki, borligida uni kishi sezmaydi, yo‘qligida orzu qiladi. Baxtli odam «men baxtliman» deb olamga jar solmaydi. Inson hech qachon baxtga to‘ygan, baxtim yetarli, degan emas.

    – Aslida, hayotda biror maqsad bilan yashashning o‘zi — baxt. Maqsadsiz yashash shunday ko‘rgilikki, u hech kimning boshiga tushmasin! Kishida maqsad bo‘lsa, unga erishish yo‘lida kurashish, mashaqqat chekish, ta’na-dashnomlar eshitib kuyib-yonib yurish ham — baxt. – Erkin Vohidov

Kishi o‘zgalarning baxtidan baxt topsa, u haqiqiy yashagan hisoblanadi

92. Insonga bir marta beriladigan hayotda u umridan, o‘tgan kunidan qoniqib yashashi kerak. Vijdoniga xilof ish qilmay yashasa — bundan ulug‘ baxt yo‘q. Har bir aytgan so‘zing, ishing o‘zingning xohishingga muvofiq bo‘lsa — eng katta baxt shu. Aksincha, insonning o‘z ichki intilishlari, qalbi, e’tiqodi, so‘zi bilan ishi o‘rtasida ziddiyat paydo bo‘lsa, vijdoni buyurganini qilolmasa, bu — inson uchun juda katta baxtsizlikdir.

    – Erkin Vohidov

93. Ko‘p farzandli bo‘lish asl baxt ekanini o‘z vaqtida bilganimda edi…

    – Mansurxon Toirov

94. Menga baxt-saodatga yetaklaydigan haqiqatnigina bering.

    – Mansurxon Toirov

95. Yasama soddalik—o‘ta nozik munofiqlikdir. Odamning baxti va baxtsizligi taqdirga qanchalik bog‘liq bo‘lsa, uning xulqiga ham shunchalik bog‘liqdir.

    – Laroshfuko

96. Biror narsani qattiq xohlab qolishdan avval shu istagan narsangizga hozir egalik qilayotgan odam baxtlimi yo‘qmi ekanini surishtirib ko‘rmoq kerak.

    – Laroshfuko

97. Harakatsizlikda baxt yo‘q.

    – Fedor Dostoyevskiy

    Baxtli bo’lish, baxtga erishish haqida statuslar

    

98. Bironta ham yovuz odam baxtli bo‘lolmagan.

    – YuVENAL

99. O‘zini hurmat qilmagan hech bir kishi baxtli bo‘la olmaydi.

    – J. J. RUSSO

100. Baxtsizga nasihat berish baxtli odam uchun oson.

     – ESXIL

101. Yoshlikda u qadar qadriga yetilmagan sog‘lik balog‘at yillarida chinakam baxtga aylanadi; umrning ko‘pi ketib, ozi qolgan paytda esa odam yashashning mazasini tushuna boshlaydi.

     – I. M. KARAMZIN

102. Baxtimizning o‘ndan to‘qqiz ulushi sog‘ligimizga bog‘liq.

     – A. ShOPENGAUER

103. Istaging baxtingni shunda toparsan.

     – SA’DIY

104. Baxtli daqiqada haddan tashqari katta ketmaslik, falokatda esa ishonchni yo‘qotmaslik lozim.

     – KLEOVUL

105. Inson o‘zi haqida qanchalik kam o‘ylasa, u shunchalik baxtliroqdir.

     – L. BERNE

Baxt va muvaffaqiyat – o‘zimizda, ichimizdadir

106. Ajdodlar hurmatini chin qalbdan bajo keltiruvchi kishi baxtlidir.

     – I. GYoTE

107. Bolalarimiz — bizning kek-saligimiz. Yaxshi tarbiya — bizning baxtli keksaligimiz, yomon tarbiya — bo‘lg‘usi g‘am-alamlarimiz, ko‘z yoshlarimiz, boshqa odamlar oldidagi, butun mamlakat oldidagi aybimiz demak.

     – A. S. MAKARENKO

108. Hayotdan to‘la zavqlanish, ya’ni baxtga erishmoq uchun — bolalarda «buyuk muhabbat» uyg‘otish — vatanga, millatga, insoniyatga, tafakkur qudratiga ishonishga, inson qalbining go‘zalliklari oldida hayratlanishga o‘rgatmoqqa qodir bo‘lgan narsa faqatgina insonga, shaxsga nisbatan jonli va hayotbaxsh hurmat hislarini tugdira bilishdir.

     – M. GORKIY

109. Bolalik boshdan-oxir bayramdan iborat bo‘lib qolmasligi kerak. Bolalarning kuchiga yarasha mehnat shijoati bo‘lmasa, u holda bola mehnat — baxtligini tushunib yetmaydi.

     – V. A. SUXOMLINSKIY

110. Oilaviy hayot o‘zaro muhabbat bilan bog‘langan bo‘lsa, katta baxt keltirishi mumkin.

     – N. K. KRUPSKAYa

111. Agar faqat o‘zim bo‘lay desang, yaxshisi oila qurma. Baxtli muhabbatning asl mazmuni o‘zini bag‘ishlovdir. O‘zini o‘ylagan kimsa hech narsa hadya etolmaydi, faqat o‘ziga olishni biladi va shu tariqa muhabbat deb atalgan tuyg‘uning barcha fazilatlarini zaharlaydi. Shaxsiyatparastlik bu o‘rinda xuddi jismoniy illatdek xalaqit beradi.

     – V. A. SUXOMLINSKIY

112. Muhabbat oilaviy mashmashalarni shu qadar yoqtirmaydiki, chinakamiga baxt-saodatli bo‘lmoq uchun bir-birovingda eng olijanob fazilatlarni topa bilmog‘ing kerak.

     – O. BALZAK

113. Muhabbat — o‘z yo‘liga, ammo birga hayot kechirmoq uchun orzu intilishlar bir bo‘lmog‘i kerak. Busiz haqiqiy baxtli oila qurib bo‘lmaydi.

     – N. K. KRUPSKAYa

O‘zligicha qola bilgan odam baxtlidir

114. Ayol kishini iztiroblarga qo‘ygan holda erkakni baxtli qilish qiyin.

     – V.GYuGO

115. Ma’naviy munosabatlarda to‘la samimiyat qaror topgan sharoitdagina ayol kishi bilan baxtli bo‘lish mumkin.

     – M. GORKIY

116. Hayotiy kurash belgilangan maqsad sari ongli intilishga aylangan paytdan boshlab kishi o‘zini baxtli hisoblashi mumkin.

     – D. I. PISAREV

117. Maqsad baxtga erishishdan iborat bo‘lmog‘i lozim, aks holda, gulxan yetarli darajada gurillab yonmaydi, harakatlantiruvchi kuch yetarli darajada qudratli bo‘lmaydi — binobarin, muvaffaqiyatga ham to‘la erishilmaydi.

     – T. DRAYZER

118. Mening nazarimda, o‘z oldiga maqsad qo‘ygan va shu maqsadi uchun bor kuchini fido etgan kishigina baxtli bo‘lmog‘i mumkin.

     – M. I. KALININ

119. Dunyoni ko‘pdan beri ummonli okean deyishadi, lekin unda kompas bilan suzgan odam baxtlidir.

     – N. M. KARAMZIN

120. Ishdan bir daqiqa ham bo‘shamagan soatlaringda o‘zingni g‘oyat baxtli sezasan.

     – J. FABR

121. Kishi mutlaqo jiddiyat bilan mehnat qilmasa, ya’ni o‘zi yeydigan bir burda nonini o‘z mehnati bilan ishlab topmasa — u baxtli bo‘lolmaydi.

     – D. I. PISAREV

122. Baxtga mehnat to‘g‘ri yo‘l solgay, Boshqa yo‘l baxt sari bormagay.

     – A. ShUKUR

Hayot qiyinchiliklarida toblangan odam baxtli va uch karra baxtlidir

123. Inson hech qachon o‘ziga tuyulganchalik baxtli yoki baxtsiz bo‘lolmaydi.

     – F. LAROShFUKO

124. Har bir kishi baxtli bo‘lgisi keladi, u baxtli bo‘lishi kerak va baxtli bo‘lishga huquqlidir.

     – N. V. ShELGUNOV

125. Baxtli bo‘lish huquqi inson huquqining ajralmas tarkibiy qismidir.

     – K. D. UShINSKIY

126. Kishi dunyoda boy bo‘lish uchun emas, balki baxtli bo‘lish uchun yashaydi.

     – STENDAL

127. Hayotda baxtli bo‘lishning birdan-bir yo‘li: jahonga va ayniqsa o‘z Vataniga foydali bo‘lishdir.

     – N. M. KARAMZIN

128. Kishi o‘zicha shug‘ullanganda u juda kam hollarda va shunda ham o‘zi va boshqalar uchun foyda keltirmay o‘zining baxt sari intilishini qondirishi mumkin. U o‘z ehtiyojlarini qondirish vositalari bo‘lgan tashqi dunyodagi: oziq-ovqat, boshqa jins individi, kitoblar, dam olish, munozaralar, faoliyat, iste’mol va mehnat buyumlari bilan muomalada bo‘lishi kerak.

     – F. ENGELS

129. Inson baxtli bo‘lishi kerak. Agar u baxtsiz ekan, uning o‘zi aybdor. Binobarin, u shu noqulaylik yoki nohaqlikni bartaraf etmaguncha o‘zi uchun kuyib-pishib harakat qilmog‘i lozim.

     – L. N. TOLSTOY

130. Baxtli bo‘lish uchun doimo shu baxtga intilmoq va uni anglamoq zarur. Baxt vaziyatga emas, kishining o‘ziga bog‘liq.

     – L. N. TOLSTOY

131. Odamni baxtli bo‘lishga o‘rgatishning iloji yo‘q, lekin uni baxtiyor bo‘la oladigan darajada tarbiyalash mumkin.

     – A. S. MAKARENKO

O‘z uyida baxtli bo‘lgan kishigina baxtlidir

132. Besaranjom odam chinakam baxtli bo‘lolmaydi; chinakam baxt osoyishta, yoz faslidagi dengiz singari vazmin bo‘ladi.

     – A. I. GERSEN

133. Ish bilan mashg‘ul bo‘lmagan odam hech qachon to‘laqonli baxtli bo‘lolmaydi, ishyoqmas kishining yuzida hamisha norozilik va hafsalasizlik alomatlarini ko‘rasiz.

     – Henrix Heyne

134. O‘zini baxtli deb biladigan odam baxtlidir.

     – G. FILDING

135. Agar siz o‘zingizni baxtli deb bilsangiz, baxtingizni tekshirmang: bu — nafis kapalakning go‘zalligini yaxshiroq ko‘rish niyatida uni burdalab tashlash bilan barobar.

     – P. MANTEGASSO

136. Ba’zilar o‘zlari bilmaganlari holda baxtli yashaydilar.

     – L. VOVENARG

137. Agar faqat baxtli bo‘lishgina maqsad qilib qo‘yilsa, bunga tezda erishish mumkin. Lekin odamlar ko‘pincha boshqalardan ko‘ra baxtliroq bo‘lishni istay-dilarki, buning deyarli iloji yo‘q, chunki aslida bizga o‘zgalarning baxti hamisha ko‘proq bo‘lib ko‘rinadi.

     – Sh. MONTESKE

138. Yer yuzida loaqal birgina bo‘lsa ham baxtsiz kishi yashayotganini ko‘rib turib, xotirjam yashash va baxtli bo‘lish mumkin emas. Yashashdan maqsad, butun insoniyat farovonligini va baxtini ko‘zlashdir.

     – Ya. BOLVAY

139. Maqolga aylanib ketgan yoki alifbe va kitoblarni bezab turuvchi ko‘pgina haqiqatlar agar biz uchun jonsizdek va siyqa gapdek tuyulmaganda edi biz nihoyatda aqlli va juda baxtli odamlar bo‘lardik.

     – D. I. PISAREV

140. Xotirjam bo‘lish – hazilakam gap emas, bu – deyarli baxtli bo‘lish demakdir.

     – Gyustav Flober

Baxtga intilish bo‘lmagan joyda umuman intilish ham yo‘q. Baxtga intilish intilishlarning intilishidir

141. Kimgadir baxtli ko‘ringan emas, balki o‘zini baxtli sezgan odam baxtlidir.

     – PUBLILIY SIR

142. Bilim bilan saodat yo’li ochiladi, shunga ko’ra, Ilmli bo’l, baxt yo’lini izla.

     – Ahmad Yugnakiy

143. Eng baxtli inson – boshqalarning baxtiyorligidan o’ziga ulush chiqargan odam.

     – Gyote

144. Inson, hayotida qilgan yaxshiliklari qadar baxtli bo’ladi.

     – Shahobiddin Ahmad

145. Shunday yillarni ko‘rdikki, baxtli bo‘lish uyat edi.

     – Asqad Muxtor

146. Baxtli, saodatli hayot sharoitiga erishganda hatto daho ijodkorning ham faoliyati susayadi, deyishadi. Yo‘q, yaratilgan ko‘plab go‘zal asarlar farovonlik samaralaridir. Masalan, Rable faqat istirohat chog‘larida ijod qilgan bo‘lsa, Rafael Rim xazinasidan bahramand bo‘lgan. Monteske, Byuffon, Volter boy-badavlat edi. Faylasuf Bekon davlatda yuqori lavozimda o‘tirgan.

     – Onore de Balzak

147. Bolalar orasida bo‘lganimda o‘zimni dunyodagi eng baxtli odam deb bilaman.

     – Moxandas Karamchand Gandi

     Baxtiyorlik haqida eng sara statuslar

     

148. Bolalaringizga yaxshilikni singdirib o‘stiring, unga baxtni faqatgina shu beradi.

     – L. BETXOVEN

149. Do‘stlik va muhabbatda biz o‘zimiz bilgan narsalardan ko‘ra bilmagan narsalarimizdan ko‘proq baxtiyorlikka erishamiz.

     – F. LAROShFUKO

150. O‘z nuqsonini bartaraf etishda o‘zi to‘grisidagi yomon gapdan foydalana bilgan kishigina baxtiyordir.

     – V. ShEKSPIR

151. Faqat mehnatgina odamning qalbiga tiniqlik, mutanosiblik va o‘z-o‘zidan qanoat tuyg‘usini olib kirib, uni baxtiyor qiladi.

     – V. G. BELINSKIY

152. Mehnat, mehnat! Mehnat qilayotganimda o‘zimni qanchalar baxtiyor his etaman.

     – D. N. TOLSTOY

153. Mehnat qilgan va sabr qilgan — Kishiga oshnodir chin baxtiyorlik.

     – I. GYoTE

154. Agar hayot senga beqiyos baxtiyorlik bo‘lib tuyulmasa, bu faqat aqlning adashganidan dalolat.

     – L. N. TOLSTOY

155. Inson o‘zini muhofaza etishga hamda baxtiyor bo‘lishga intiluvchi ta’sirchan, sezgir, aqlli va fikr yurituvchi mavjudotdir.

     – P. GOLBAX

Iloji boricha ko‘proq odamlarga baxt hadya qilgan kishi eng baxtiyor kishidir

156. Iloji boricha ko‘proq odamlarga baxt keltirgan kishini tajriba eng baxtiyor kishi sifatida ta’riflaydi.

     – K. MARKS

157. Umrini boshqalarning baxti to‘g‘risida gamxo‘rlik qilish bilan o‘tkazgan kishlar eng ajoyib va ayni vaqtda eng baxtiyor kishilardir.

     – V. A. SUXOMLINSKIY

158. Boylik — shunday narsaki, usiz ham baxtli yashash mumkin. Ammo farovonlik — baxtiyor yashash uchun zarur shart.

     – N. G. ChERNIShEVSKIY

159. Yashamoq va baxtiyor bo‘lmoq huquqiga qurbi yetmaydigai odam shunchaki bir sharpadir.

     – N. G. ChERNIShEVSKIY

160. O‘z ehtirosiga monand yashaydigan kishi baxtiyordir, lekin o‘z ehtirosini har qanday og‘ir sharoitga ham moslashtira biladigan kishi undan ham baxtlidir.

     – D. YuM

161. Baxtiyor bo‘lishimizga shaxsiy xislatlarimizdan eng ko‘proq foyda beradigani quvnoqligimizdir.

     – A. I. ShOPENGAUER

162. Kim doimo quvnoq bo‘lsa u baxtiyordir, kim baxtiyor ekan, u yaxshi insondir.

     – V. G. BELINSKIY

163. Yoshlik shu narsa bilan baxtiyorki, uning kelajagi bor.

     – N.V.GOGOL

Baxtli bo‘lmoq uchun baxtli bo‘lish mumkinligiga ishonmoq kerak

164. Soglik hayotning shunday ne’matidirki, chindan ham betob podshodan sog‘lom gado ming karra baxtiyordir.

     – A. ShOPENGAUER

165. Modomiki bir-ikki og‘iz shirin so‘z odamni baxtiyor etsa, shuni qizg‘angan odam ablahdir.

     – T.PEN

166. Faqat ichki, ma’naviy, orom-baxsh mehnat kuchigina inson qadr-qimmatining, shu bilan birga axloqiy poklik va baxtiyorlikning manbai bo‘lib xizmat qiladi.

     – K. D. UShINSKIY

167. …Ko‘plar o‘z hayotlarini arzimagan narsalar bilan hech qan-day asossiz buzayotganlarini ko‘rganimda men o‘zimni baxtiyor his etaman, negaki men ruhimning bukilmas tetikligini saqlab qolganman va har qanday bo‘lmag‘ur narsalar ustidan kulaman.

     – F. ENGELS

168. Insonni chinakam baxtiyor qila oladigan ikki xil xohish bor,— odamlarga naf keltirish va sof vijdonli bo‘lish.

     – L. N. TOLSTOY

169. Baxtli onlarimizda biz hamisha saxovatlimiz, lekin yaxshilik qilganimizda hamisha ham baxtiyor bo‘lavermaymiz.

     – O. UAYLD

170. Agar birgina so‘z bilan odamni baxtiyor qilish mumkin bo‘lsa, bu so‘zni aytmaslik uchun qanchalar razil bo‘lish kerak!

     – Romen Rollan

171. Mast o‘zini qanchalik baxtiyor his etmasin, u haqiqiy baxtdan juda uzoq. Chunki uning bu baxti boshqalar uchun ko‘rgilik; bugungi baxti ertangi baxtsizligidir.

     – Rabindranat Tagor

172. Jismoniy mehnat ruhiy iztiroblarni unutishga yordam beradi, shuning uchun qashshoqlar baxtiyor odamlardir.

     – Laroshfuko

Baxt haqida eng sara maqollar



173. Bo‘lishilgan baxt — ikki karra baxt, bo‘lishilgan dard — yarim dard.

     – Nemis maqoli

174. Baxtsizlar musibati — baxtlilar uchun dars.

     – Nepal maqoli

175. Ikki kunlik baxtga yuz kunda erishiladi.

     – Ispan maqoli

176. Birovning baxtiga hasad qilgan o‘z baxtini ko‘rmaydi.

     – Gruzin maqoli

177. Baxt uch marta eshik qoqadi, agar ochmasang boshqasiga ketadi.

     – Gruzin maqoli

178. Bemor oltin ustida yotsa ham baxtiyor emas.

     – Belorus maqoli

179. Kimdan baxt yuz o‘girsa, uning oti ham eshakka aylanib qoladi.

     – Arman maqoli

180. Kimdir yoshligida baxtli bo‘ladi, kimdir qarilikda baxtga erishadi.

     – Tatar maqoli

181. Beg‘araz — hamisha xushbaxt.

     – Hind maqoli

182. Baxtliga hamma baxtlidek ko‘rinadi.

     – Hind maqoli

183. Raqsga tushayotgan hamma ham baxtli emas.

     – Ingliz maqoli

184. Baxt — sandiqda, kaliti — osmonda.

     – O’zbek maqoli

185. Yer ochganning baxti ochilar.

     – O’zbek maqoli

186. Otalar so’zi — aqlning ko’zi, Onalar so’zi — baxtning o’zi.

     – O’zbek maqoli

Baxt haqidagi barcha sara maqollarni Baxt haqida maqollar sahifada o’qishingiz mumkin.

Baxt haqida faylasuflar hikmatlari



187. Boshqalarning baxtini o‘ylab, o‘z baxtimizni ham topamiz.

     – AFLOTUN

188. Baxt ko‘p mehnat qilganga nasib bo‘ladi.

     – LEONARDO DA VINChI

189. Yuraksizlarga baxt yor bo‘lmaydi.

     – SOFOKL

190. Jinoiy xohishlar — bu badbaxtlikdir. Nopoklik bilan nimanidir qo‘lga kiritganingdan ko‘ra, istaganingga yetisholmaganing ham tuzuk.

     – SITSERON

191. Agar baxtli hayotga erishmoqchi bo‘lsangiz, odamlarga yoki narsalarga emas, maqsadlarga bog‘langan bo‘lishingiz kerak.

     – Albert Eynshteyn

192. «Qanday odamni baxtli sanamoq mumkin?» — degan savolga Suqrot shunday javob berdi:
     — O‘tkir aql va teran, halol fikrlar egasi baxtiyordir.

     – Suqrot

193. Baxt yaxshi kayfiyat, farovonlik, uyg‘unlik, mutanosiblik va vazminlikdir.

     – Demokrit

194. Aql-farosatdan mahrum holda baxtli yashagandan, aql-farosat bilan badbaxt bo‘lgan a’loroqdir.

     – Epikur

195. Navqironlarni emas, balki hayotini yaxshi yashab o‘tgan keksa odamlarni baxtli sanamoq lozim.

     – Epikur

196. Oliy baxt tuyg‘ularda emas, aql-idrokda yashirin. Shuning uchun ham insondagi eng oliy sifat — aql-idrok. U aql kuchi bilan hayvonotdan ustun turadi va ilohlarga tenglashadi.

     – Seneka (Kichik Lutsiy Anney)

197. Baxt insonni o‘zga odamlarga muhtojlik sezilmaydigan darajadagi yuksaklikka hech qachon olib chiqolmaydi.

     – Seneka (Kichik Lutsiy Anney)

198. Tilini tiysa kim bezgaklikda ham, Baxt unga tez kunda bo‘lg‘usi hamdam.

     – Al-Maarriy Abul Ala

199. Zamon va axloqiy mezonlar o‘zgaruvchandir. Shuning uchun zamonga peshvoz chiqqan kimsaning hamma orzusi ushaladi va u baxtiyor bo‘ladi. Zamondan va vaziyatdan yuz o‘girgan odam baxtsizlikka mahkum.

     – Nikkolo Di Bernardo Makiavelli

200. Baxtdan lazzatlanish – buyuk saodat. Baxtni o‘zgalarga tuhfa etish esa undan ham buyukroq ezgulikdir.

     – Frensis Bekon (Lord Verulamskiy)